Þessi stuðningsfundur við Geir er ákaflega ósmekklegur

... en kannski þarf að líða nokkur tími þar til fólk gerir sér grein fyrir því hve óviðeigandi þetta  fundarhald var. Það er eins og fólk búi enn í góðærislandi þar sem einstaklingar þurfi ekki að sæta ábyrgð en treysti þessi í stað á sina ,,stuðningsmenn". Geir Haarde sætir opinberri ákæru og nauðsynlegt að málið hafi sinn gang. Opinberir embættismenn eiga að fá að vinna í friði.

Ég tek annars enga afstöðu til þess hvort þessi ágæti hagfræðingur og stjórnmálamaður er sekur af ákæruatriðum enda málið í ákveðnu lýðræðislegu ferli. 


mbl.is „Ekkert annað en hneisa“
Tilkynna um óviðeigandi tengingu við frétt

Gott að draga úr akstri hélt ég

Óttalegir klaufar eruð þið FÍB menn. Talið um að komið sé að þeim þröskuldi að fólk þurfi að draga úr notkun einkabílsins. Það er einmitt mjög æskilegt að flestra mati að við notun bílana minna; Umferðarhávaði, hreyfingarleysi fólks og allskonar vandamál leysast með minni notkun einkabíls.

Hefði nú verði betra fyrir ykkur að tala frekar um vanda tekjulágs fólks sem þarf að keyra langt til vinnu. Á því fólk bitna þessar gríðarlegu hækkanir væntanlega illa.


mbl.is Ríkið dragi úr álagningu
Tilkynna um óviðeigandi tengingu við frétt

Landgræðslan gegn sínum lággróðri?

Bíðið nú við. Er ekki hlutverk Landgræðslunnar að rækta upp sanda og mela með allskonar lággróðri. Við skógræktarfólk gróðursetjum hinsvegar tré? Það er eitthvað kjánalegt við þessa yfirlýsingu.

Varla þarf að segja þessu góða fólki að sandar og melar geta verið beinlínis hættulegir í hvassviðri. Þessi viðvörum þeirra um lággróður sem æði brátt yfir Markarfljótsaura er beinlínis brosleg. Það er hlutverk Landgræðslunnar að sjá um að örfoka land grói upp. En ok. viljið þið þá ekki útskýra fyrir almenninga hugmyndir ykkar um plöntuval. Hvað eru vondar plöntur og hverjar eru góðar?


mbl.is Óttast að lúpínan taki völdin
Tilkynna um óviðeigandi tengingu við frétt

Batnandi flokki er best að lifa...

Nú þarf VG bara að losa sig við Samfylkingu og komast burt úr glapræðsför ríkisstjórnarinnar inn í ESB. Taka þessvegna upp samstarf við Sjálfstæðisflokkinn.


mbl.is Vilja draga umsókn til baka
Tilkynna um óviðeigandi tengingu við frétt

Gefðu þig fram Sigurður

Það er grafalvarlegt mál að vera eftirlýstur af Interpol. Stórhættulegt raunar á tímum hryðjuverka og alþjóðlegra glæpa. Leit og handtökur eftirlýstra eru enginn barnaleikur.

Ég ráðlegg í fullri einlægni Sigurði Einarssyni eindregið að gefa sig fram hið fyrsta.


Hættan af Kötlu

Ég verð að segja eins og er að gleðin í kringum eldgosið á Fimmvörðuhálsi er farin að minna mig á góðærið kennt við 2007. Nema að bakslagið gæti orðið miklu hræðilegra.

Ábyrgðarleysið og kjánaskapurinn í umgengni við eldstöðina Kötlu (sem er undir Mýrdalsjökli) er sláandi.  Gæti endað hræðilega, miklu verr en nokkkur Icesaveskuld.

 Hvernig væri að vísir menn (les jarðfræðingar) rituðu eða blogguðu af meiri krafti um eftirfarandi:

1. Katla er ein hættulegasta eldstöð landsins. Sérstaklega vegna þess hve hamfaraflóð fer hratt af stað (það fer yfir þjóðveginn um 1klst eftir að gos byrjar skr. viðvörum við veginn).  Ímyndið ykkur ástandið uppi á jöklinum sjálfum.

2. Katla er undir Mýrdalsjökli hvar hundruðir jeppa geysa nú um daglega.

3. Eldgos gera stundum lítið eða engin boð á undan sér (sbr. nýjasta sprungan á Fimmvörðuhálsi).

 

 


mbl.is Rýmdu gossvæðið vegna óveðurs
Tilkynna um óviðeigandi tengingu við frétt

Glórulaus ákvörðun

Katla er hættulegasta eldfjall landsins. Við vitum lítið um hvernig gosstöðvarnar á þessu svæði hegða sér. Og gosið er farið að koma okkur á óvart.

Að opna fyrir umferð um þetta svæði er glórulaust.


mbl.is Gosslóðirnar opnaðar aftur
Tilkynna um óviðeigandi tengingu við frétt

Seljum okkar sál fyrir eina grautarskál

Ef við hleypum hernaðartengdri starfsemi aftur inn á Keflavíkurflugvöll.

Fjölmargir góðir Samfylkingarmenn eru einnig á þessari skoðun. Björgvin Sigurðsson þarf hins vegar að fara að hugsa um hvort ekki sé rétt að hætta í pólitík. Amk. ég er búinn að fá nóg af honum og hans ráðherra- og þingmannaferli. Ótrúlegt klúður sem maðurinn hefur orðið uppvís að. Nú síðast stuðningur við þetta hermang.

Kæru landsmenn. Samningur um aðstöðu fyrir þessar herþotur og annað stríðstengt er algert glapræði. Svipað og þegar nasistar óskuðu eftir aðstöðu fyrir flugvélar hér á landi á millistríðsárunum Hermann Jónasson þáv. forsætisráðherra hafði vit á að segja nei.

Stöðvum þessa vitleysu strax.


Frábært framtak

Dæmi um frumleika, jákvæðni og samstarf við aðrar þjóðir. Allt atriði sem vantar annars staðar til að við náum okkur upp úr kreppunni.

Hattur minn af til þeirra sem skipulögðu þetta framtak.


mbl.is Íslendingar vekja athygli á Kanarí
Tilkynna um óviðeigandi tengingu við frétt

Næsta síða »

Um bloggið

Sigmar Þormar

Höfundur

Sigmar Þormar
Sigmar Þormar

Höfundur er kennari og ráðgjafi.

Bloggvinir

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (19.3.): 0
  • Sl. sólarhring:
  • Sl. viku:
  • Frá upphafi: 0

Annað

  • Innlit í dag: 0
  • Innlit sl. viku:
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband