Kanadamenn; vinir í raun

Samskipti okkar við ýmsar nágrannaþjóðir eru orðin ansi dapurleg. Við teljum okkur vinalaus og ekki í fyrsta sinn "Enginn grætur Íslending" orti Jónas forðum.

En kannski við séum að eignast nýja vini. Eða öllu heldur; ég held að við tökum nú betur eftir því hverjum er ekki sama um okkur.

Færeyingar hafa gert allt sem þeir geta til að aðstoða okkur; veittu okkur strax refjalaust lán, þeir stóðu fyrir fjárfestingarráðstefnu fyrirtækja á Íslandi um daginn ofl. Ótrúlegir Færeyingar. Vinir í raun.

En að auki eigum við góða frændur í Kanada. Kanadamenn hafa sýnt okkur alls konar vináttuhót í gegnum árum. Oft tókum við varla eftir þessu, en það er önnur saga. Nú síðast bauðst kanadíska fylkið Manitoba til að greiða götur Íslendinga sem vilja vinna á Íslendingaslóðum meðan kreppan stendur yfir hér.

Ótrúlegt vináttubragð því atvinnuleysi er landlægt í Kanada og kjark þarf hjá stjórnvöldum þar í landi til að fara í svona aðgerð.

Ég vil því telja fram Kanada (þar sem ég var við nám í þrjú ár) sem alvöru vinaþjóð okkar á umbrotatímum.

Athugasemdir

[Finnur Bárðarson, 31.7.2009 kl. 12:44]

Þjóðir eiga ekki vini bara hagsmuni.

[Sigmar Þormar, 31.7.2009 kl. 16:39]

Gott Finnur. En kannski liggja hagsmunir okkar í nánara samstarfi við þjóðir utan ESB.