Sjálfstæðið reyndist okkur vel og við þurfum að hafa það áfram.

Alveg merkilegt hve eftirfarandi röksemd ESB sinna er mikið notuð; Við verðum að láta ESB bjarga okkur Íslendingum frá sjálfum okkur. Þetta reyndum við hér í gamla daga. Með Gamla sáttmála 1262. Nú skulum við muna söguna. Rifja upp barnaskólaefnið: 

1262 var hver höndin uppi á móti annari hér á landi. Sturlungaöld. Noregskonungur átti að bjarga okkur frá sjálfum okkur; Láta sex skip sigla til landsins á hverju ári því við réðum ekki við kaupskap sjálf. Loforð konungs af þessu tagi voru svikin. Mörg árin komu engin skip til landsins. Tók okkur síðan 700 hroðaleg ár að ná sjálfstæði frá herraþjóð.

Með fullveldilð í hönd hefur okkur farnast frábærlega. Ótrúlegur uppgangur á öllum sviðum á síðustu öld.

ESB aðild fylgir of mikið fullveldisafsal. Lokað verður á svokallaða Leifslínu; sjálfstæð samskipti vestur um haf. Að fá sjávarútvegsstefnu ESB yfir sig verður hræðilegt osfrv.